李幸倪跳出女人味:搞到要針炙刮痧


72

1

05 Jun 2018

37:00

PLAY AUDIO




VIDEO:
Description:

李幸倪跳出女人味:搞到要針炙刮痧, 李幸倪跳出女人味:搞到要針炙刮痧

歌手李幸倪(Gin Lee)正為本月23及24日假紅館舉行的《李幸倪first of all》演唱會進行排舞,穿上性感露腰裝、貼身褲的她腳踏5吋高踭鞋,在排舞室和眾舞蹈扭腰趷pat勁舞連場,充滿誘惑。

Gin Lee接受東網訪問,談及着高踭鞋練時說:「因為要練跳舞嘅力度,雖然冇跳斷高踭鞋,但每次跳完都會好攰,全身都好緊,特別係腰、膝頭哥、小腿同大腿都會好攰、好緊,因為要轉身又要踎底、起身,睇落好優美好有女人味,但練完好攰,要針炙、刮痧、超聲波紓緩勞損,又要搵伸展治療師,幫我放鬆兩個鐘,否則全身好唔掂。」

完騷去遊埠

為了以最佳狀態示人,排舞前又做兩小時運動,成功減去六磅脂肪,她說:「都要節食,全部都係烚嘢,好乏味,好似烚菜、烚肉、烚蛋同食蕉,晚上就唔食,排完舞有時太肚餓只係食隻蛋,或者飲蛋白質飲品咋。」不過見身材愈來愈fit,滿足感爆燈。問可會着性感衫上台?她直認:「啲衫多咗選擇,性感少布係係必然,舞台效果係重要㗎嘛,有幾套衫會性感啲。」又爆在排舞期間笑話連篇,着高踭鞋跳舞難平衡,經常出現企唔隱,每每快跌倒時都會嚇到大叫。

Gin Lee已請了不少合作過藝人、在馬來西亞一齊長大的朋友及香港的合作夥伴或者貴人捧場,嘉賓方面就要保持神秘感,她只說:「佢好有睇頭,但唔係藝人,唱歌好叻。」演唱會後將會放假和家人外遊及食好嘢,好好充電休息。..